اسلام آباد میں پیٹرول کی قیمتوں میں حالیہ اضافے کے خلاف پاکستان تحریک انصاف (پی ٹی آئی) کے رکن قومی اسمبلی اقبال آفریدی نے منفرد انداز میں احتجاج کرتے ہوئے سائیکل پر پارلیمنٹ ہاؤس پہنچ کر حکومت کی پالیسیوں پر سوالات اٹھا دیے۔
اقبال آفریدی نے پارلیمنٹ پہنچنے کے بعد میڈیا سے گفتگو کرتے ہوئے کہا کہ پیٹرول کی قیمتوں میں مسلسل اضافہ عوام پر ایک “پیٹرول بم” گرانے کے مترادف ہے، جس سے عام شہری شدید مشکلات کا شکار ہیں۔ ان کا کہنا تھا کہ جب عوام مہنگائی اور بڑھتے ہوئے اخراجات کا بوجھ برداشت کر رہے ہیں، تو عوامی نمائندوں کو بھی ان کے درد کو محسوس کرنا چاہیے۔
ذرائع کے مطابق حکومت کی جانب سے پیٹرول کی قیمت میں 14 روپے سے زائد اضافے کے بعد فی لیٹر قیمت 416 روپے سے تجاوز کر گئی ہے، جس پر اپوزیشن جماعتوں کی جانب سے شدید ردعمل سامنے آ رہا ہے۔
یہ پہلا موقع نہیں جب اقبال آفریدی نے اس انداز میں احتجاج کیا ہو، اس سے قبل بھی وہ پیٹرولیم مصنوعات کی قیمتوں میں اضافے کے خلاف سائیکل پر پارلیمنٹ پہنچ کر حکومت کو تنقید کا نشانہ بنا چکے ہیں۔
سیاسی حلقوں میں اقبال آفریدی کے اس اقدام کو عوامی مسائل اجاگر کرنے کی علامتی کوشش قرار دیا جا رہا ہے، جبکہ سوشل میڈیا پر بھی ان کی ویڈیوز اور تصاویر تیزی سے وائرل ہو رہی ہیں۔
ARZ News Digital عوام سے جڑے ہر اہم معاملے پر آپ کو بروقت اور مستند خبریں فراہم کرتا رہے گا۔
About the Author
